TOShKENT, 22 okt — Sputnik. AQSh prezidenti Donald Tramp Turkiya bilan urush boshlashga tayyor, deb bayonot qildi AQSh davlat kotibi Mayk Pompeo CNBC telekanaliga bergan intervyusiga.
Pompeo Tramp Anqaraga qarshi harbiy harakatlarga tayyorligini, biroq Vashington "urushdan ko‘ra tinchlikni afzal ko‘rishini" ta’kidladi.
"Lekin siz bilishlaringiz shart: agar harbiy harakatlarga zarurat tug‘ilsa, prezident bu qarorni qabul qilishga to‘laligicha tayyor", - dedi Davlat departamenti rahbari.
Turkiya 9-oktabrdan Suriya shimoli-sharqida qurd otradlariga qarshi "Tinchlik bulog‘i" nomli operatsiyani o‘tkazmoqda. 17-oktabr kuni AQSh va Turkiya bu operatsiyani 120 soatga to‘xtatib turishga va qurdlardan tashkil topgan otradlarni Turkiya-Suriya chegarasidagi Anqara mustaqil nazorat qilishni xohlayotgan 30 kilometrlik bufer zonadan chiqarishga kelishdi.
Suriya hukumati Turkiyaning SARdagi bosqinchilik siyosatini ko‘p marotaba qoralagan. Moskva Anqara Suriyada 2011-yildan buyon davom etib kelayotgan mojaroni barqarorlashtirish yo‘liga to‘siq bo‘ladigan harakatlardan tiyilishi zarurligini ta’kidladi.
21 oktabr kuni turk harbiy operatsiyasi tufayli Suriyadagi 12ta chet el jangarilari saqlangan qamoqxonalar qo‘riqchilarsiz qolgani ma’lum bo‘ldi. Mahbuslar o‘z tarixiy vatanlariga qaytishlari mumkin.
