TOShKENT, 18 okt – Sputnik. Moskva meriyasi mehnat migrantlari uchun patent narxini ko‘tarishni rejalashtirmoqda.
Bu haqda Moskva hukumati prezidiumi yig‘ilishi materillarida aytilgan.
Poytaxt amaldorlari taklifiga ko‘ra, patent narxi 350 rublga qimmatlashadi – hozirgi 5000 rubldan 5350 rublga ko‘tariladi. So‘nggi marta patent narxi ko‘tarilishi sezilarli bo‘lib, birdaniga 500 rublga oshgan.
Eslatib o‘tamiz, 2018-yilda patent narxi oyiga 4500 rublini tashkil qilgan. 2018-yilda Rossiyada mehnat migrantlari uchun patentning maksimal qiymati Uzoq Sharq va shimoliy mintaqalarda o‘rnatilgandi.
Rossiyaning barcha hududlari orasida patentning o‘rtacha narxi 3,9 ming rublni tashkil qiladi.
Moskva meri Sergey Sobaninning so‘zlariga ko‘ra, Moskvada ro‘yxatdan o‘tish va patent berish tufayli migrantlar o‘rtasidagi jinoyatchilik ikki baravar kamaydi.
Hozirgi vaqtda O‘zbekistonda mehnat migrantlarini qo‘llab-quvvatlash bo‘yicha butun bir dastur qabul qilindi. Xususan, ular O‘zbekistonning o‘zida ish beruvchini tanlashi, tashkiliy tanlov asosida Rossiyada ishlash uchun ketishlari mumkin. Bundan tashqari, migrantlarga O‘zbekistonda uy-joy sotib olish uchun imtiyozli kreditlar beriladi, sug‘urta imtiyozlari ishlab chiqilmoqda.
