TOShKENT, 9 okt – Sputnik. Bosh prokuratura matbuot xizmati 8-oktabr kuni Toshkentning Yunusobod tumanida yuz bergan qotillik haqida xabar qildi.
“08.10.2019 yil soat 18:30 larda fuqaro S.L. (1977 y.t.) o‘zining Yunusobod tumani, 12-mavzedagi xonadonida tanishi I.K. (1967 y.t.) bilan birga spirtli ichimlik iste’mol qilib, o‘rtasida o‘zaro kelib chiqqan janjal oqibatida, u oshxona pichog‘i bilan I.K.ning bo‘yin qismiga bir necha marotaba pichoq bilan urib, qasddan o‘ldirgan”, - deyilgan xabarda.
Mazkur holat yuzasidan tuman prokuraturasi tomonidan S.L.ga nisbatan JKning 97-moddasi 1-qismi bilan jinoyat ishi qo‘zg‘atilgan.
Tergov harakatlari olib borilmoqda.
