TOShKENT, 18 sen – Sputnik. Hukumat qarori bilan Bahrom Bahodirovich Ashrafxonov Moliya vazirligi huzuridagi budjetdan tashqari Pensiya jamg‘armasining ijro etuvchi direktori etib tayinlandi.
Ashrafxonov 2005-2007 yillarda moliya vazirining birinchi o‘rinbosari, 2007-2016 yillarda O‘zbekiston Respublikasi Moliya vazirligining G‘aznachiligi boshlig‘i – moliya vaziri o‘rinbosari bo‘lgan.
2016-2018 yillarda O‘zbekiston Respublikasining Rossiya elchisi sifatida faoliyat yuritgan. 2018-2019 yillarda “O‘zbekneftegaz” AJ boshqaruv raisi vazifasini bajaruvchisi bo‘lgan.
Qonun hujjatlarida belgilangan tartibda fuqarolarning davlat pensiya ta’minotini tashkil etish, fuqarolarga pensiyalar, ijtimoiy nafaqalar, kompensatsiya to‘lovlari va boshqa to‘lovlarni tayinlash, pensiyalar va boshqa to‘lovlar miqdorlarining qayta hisoblab chiqilishini ta’minlash Jamg‘armaning asosiy vazifalaridan biridir.
