TOShKENT, 17 sen — Sputnik. Qirg‘iziston Respublikasi milliy xavfsizlik qo‘mitasi (GKNB) tergov hibsxonasida saqlanayotgan mamlakatning sobiq prezidenti Almazbek Atambayevni ko‘rgani uning oldiga turmush o‘rtog‘i Raisa Atambayeva va o‘g‘li Qodir bordi.
Qodir Atambayev feysbukdagi sahifasida post yozib qoldirgan. Atambayev bugun 63 yoshni qarshi oldi.
Qodir Atambayevning ta’kidlashicha, otasi qirg‘iz-tojik chegarasidagi vaziyatdan xavotirda va tez orada tinchlik va barqarorlik o‘rtatilishiga umid bildirgan.
Sobiq prezidentning so‘zlariga ko‘ra, hozir Qirg‘iziston hukumati o‘z sa’y-harakatlarini o‘z tarafdorlariga qarshi emas, balki mamlakat xavfsizligining jiddiy muammolarini hal qilishga qaratishi kerak.
“Biz onam bilan otamni tug‘ulgan kuni bilan muborakbod etdik. Otamning kayfiyati yaxshi va o‘zini yaxshi his qilyapti. Unga so‘nggi xabarlarni yetkazdik va men tez orada keltirib berishim bo‘lgan adabiyot ro‘yxatini muhokama qildik”, - deya yozadi Qodir
Sputnik Qirg‘izistonning yozishicha, IIV Atambayevning huzuriga yaqinlari tashrif buyurgani haqidagi xabarga keyinroq izoh berishni va’da bergan.
