TOShKENT, 3 sen – Sputnik. Rossiyalik bloger Vladislav Sinitsa Twitter᾽dagi posti tufayli 5-yilga ozodlikdan mahrum qilindi. Uning so‘zlari huquqni muhofaza qilish xodimlarining farzandlariga nisbatan zo‘ravonlik qilishga chaqiriq sifatida baholangan. Bu haqda RIA Novosti xabar qilmoqda.
Qayd etilishicha, bloger “xatti-harakatining xususiyati va ijtimoiy xavfliligini anglagan holda” post yozib qoldirgan, uning maqsadi esa “nafrat va adovatni qo‘zg‘ash” bo‘lgan.
Sud ijtimoiy tarmoqlarda 30 yoshli Maks Steklov (Vladislav Sinitsa) tomonidan yozib qoldirilgan matnni biror kishi Moskvadagi noqonuniy namoyishlarga qarshi kurashishda ishtirok etgan huquq-tartibot xodimlarining farzandlariga zarar yetkazishda qo‘llanma sifatida qabul qilishi mumkinligini aniqlagan.
Sudda guvoh sifatida Rosgvardiya xodimi so‘roq qilingan.
“Birinchi avgust kuni ishdan qaytib, yangiliklardan xabardor bo‘lish uchun uchun telefonni ochdim. Twitter`ni ochib, bu xabarlarni ko‘rdim – keyinchalik jazolash uchun Rossiya gvardiyasi xodimlarining bolalarini o‘g‘irlashga oid chaqiriqlar. Bu meni sergaklantirdi va men qizimning hayoti va sog‘lig‘i uchun qo‘rqishni boshladim”, - deya sudda ko‘rsatma bergan xodim.
Sudlanuvchining o‘zi aybini tan olmagan. Uning ta’kidiga ko‘ra, uning so‘zlari kontekstdan yulib olingan.
Joriy yilning iyul oyida kunlari Moskva shahar Dumasi deputatligiga nomzodlar tomonidan tashkil etilgan hukumat bilan kelishilmagan mitinglar bo‘lib o‘tgandi. Huquqbuzarlik uchun jami 1,7 ming kishi hibsga olingan.
Tergov qo‘mitasi ommaviy tartibsizliklar va hokimiyat vakillariga hujum qilish to‘g‘risida jinoyat ishlarini qo‘zg‘atgan.
