O‘zbekistonda Rossiya migratsiya markazlari ochilishi mumkin

© Ministerstvo zanyatosti i trudovix otnosheniy UzbekistanaVozvrashenie trudovix migrantov iz Uzbekistana na rodinu
Vozvrashenie trudovix migrantov iz Uzbekistana na rodinu - Sputnik O‘zbekiston
Obuna bo‘lish
Rossiyada ishlash uchun mehnat migrantlariga patent berish tizimi O‘zbekistonda joriy etilishi mumkin.

TOShKENT, 27 avg - Sputnik. O‘zbekiston hukumati Rossiyaning bir qator hududlari bilan mehnat migrantlariga patent berish tizimini O‘zbekistonda joriy etish bo‘yicha muzokaralar olib borishga qaror qildi. Bu haqida normativ-huquqiy hujjatlar loyihalarini muhokama qilish portalida joylashtirilgan yangi qonun loyhasida xabar qilingan.

“2020 yilning 1-martiga qadar Rossiya hududlari rahbariyati bilan Rossiya Federatsiyasi hududida mehnat qilish huquqini beruvchi hujjat (patent) berish huquqiga ega bo‘lgan muassasa va tashkilotlar filiallarini O‘zbekistonda ochish to‘g‘risida muzokaralar olib borilsin”, - deyilgan qonun loyihasi matnida.

Muzokaralar olib borish uchun istiqbolli hududlar ro‘yxatiga Rossiyaning 10ta hududi kiritilgan: Tatariston, Primorsk o‘lkasi, Sankt-Peterburg, Krasnoyarsk, Novosibirsk, Rostov, Leningrad va Sverdlov viloyatlari, shuningdek  Xanti-Mansiysk va Yamalo-Nenesk avtonom okruglari.

Poluchit patent v Mnogofunksionalnom Migratsionnom Sentre Moskvi v Saxarovo (russkiy yazik) - Sputnik O‘zbekiston
O‘zbekiston va Rossiya migrantlar uchun patent olishni soddalashtirdi

Shuningdek, hujjatda mahalliy hokimiyatlar va taaluqli davlat muassasalari  ana shunday Migratsiya markazlari tashkil qilishda, xususan ularga binolarni bepul berish hamda mehnat migrantlariga hujjat tayyorlashda yordam ko‘rsatishi kerakligi aytib o‘tilgan.

Eslatib o‘tamiz, ushbu yilning may oyida Urganchda bo‘lib o‘tgan, O‘zbekiston va Rossiya hukumatlararo komissiyalari muzokaralari davomida O‘zbekiston hududida Migratsiya markazi ochish masalasi muhokama qilingan edi.

Ma’lumot uchun, bugungi kunda aholisi 33,5 million kishi bo‘lgan O‘zbekistonning 2,6 million fuqarosi xorijiy mamlakatlarda mehnat faoliyati olib boradi. Ulardan 2 millioni – Rossiya hududida.

Yangiliklar lentasi
0