TOShKENT, 14 avg — Sputnik. Qarshi tumanidagi iste’molchi “Islom Muxtor Hamkor” MChJ tomonidan elektr energiyasidan foydalanishdagi yashirincha o‘g‘irlik turi aniqlandi. Bu haqda Energetika vazirligi xabar qildi.
10 Avgust 2019, 11:04
Bildirilishicha, iste’molchi elektr energiyasidan noqonuniy foydalanish maqsadida hisoblagichning ichki qismiga maxsus qurilma (chip) o‘rnatgan. Ushbu qurilma pult orqali boshqarilib, qurilma ishga tushirilgan vaqtda elektr hisoblagich oqib o‘tayotgan elektr energiyasini hisobga olmagan.
“O‘zenergoinspeksiya”ning Qashqadaryo hududiy bo‘limi mutaxassisi xulosasi asosida iste’molchi “Islom Muxtor Hamkor” MChJ ushbu qoidabuzarlik bo‘yicha 124 222 250 so‘m jarimaga tortildi.
