O‘zbekiston Respublikasining Qurol to‘g‘risidagi qonuni imzolandi

© Sputnik / Georgiy Zimarev / Mediabankka o‘tishpistolet Makarova
pistolet Makarova - Sputnik O‘zbekiston
Obuna bo‘lish
Milliy gvardiya organlari tomonidan beriladigan 3 oylik ruxsatnomalar asosida fuqaroviy va xizmat quroli olinishi mumkin.

TOShKENT, 29-iyul – Sputnik. O‘zbekiston Respublikasining Qurol to‘g‘risidagi qonuni imzolandi.

Pistolet Makarova - Sputnik O‘zbekiston
Fuqaro O‘zbekistonga qurol olib o‘tishga urindi

Qonunga ko‘ra qurolning quyidagi turlari farqlandi:

- fuqaroviy qurol;

- xizmat quroli;

- jangovar qurol.

Fuqaroviy qurol jumlasiga ov, sport va o‘zini o‘zi himoya qilish qurollari kiradi.

Quyidagilar o‘zini o‘zi himoya qilish quroli hisoblanadi:

- gazli qurol – ko‘zdan yosh oqizadigan yoki achishtiradigan moddalar bilan to‘ldirilgan gazli ballonchalar, mexanik purkagichlar, aerozolli qurilmalar va boshqa qurilmalar;

- elektroshok qurilmalari, uchqun chiqargichlar va shikast yetkazuvchi ta’siri elektr energiyasidan foydalanishga asoslangan boshqa qurilmalar.

Ekspozitsiya voyennoy texniki  - Sputnik O‘zbekiston
Dunyoning eng yirik qurol yetkazib beruvchi davlatlari ma’lum qilindi

 Jamoat joylarida, shahar, shahar atrofiga qatnovchi, shaharlararo va xalqaro transportda qurolni ochiq holda (g‘ilofsiz) olib yurish taqiqlanadi.

18 yoshga to‘lgan fuqarolar fuqaroviy sport qurolini va o‘zini o‘zi himoya qilish qurolini, 21 yoshga to‘lgan fuqarolar fuqaroviy ov qurolini olish huquqiga ega.

Milliy gvardiya organlari tomonidan beriladigan 3 oylik ruxsatnomalar asosida fuqaroviy va xizmat quroli olinishi mumkin.

Fuqaroviy va xizmat qurolini olishga doir ruxsatnoma qurolni hamda uning o‘q-dorilarini olib yurish va qo‘llash huquqini bermaydi.

Qurolni olishga doir ruxsatnoma qurolni hamda uning o‘q-dorilarini olib yurish va qo‘llash huquqini bermaydi.

Pistolet Makarova - Sputnik O‘zbekiston
O‘zbekistonda qurol muomalasi tartibga solinadi

Ruxsatnoma olish uchun fuqarolar doimiy yashash joyi bo‘yicha Milliy gvardiya organiga quyidagilarni taqdim etishi shart:

- ariza;

- shaxsini tasdiqlovchi hujjat (pasport);

- quroldan xavfsiz foydalanish qoidalariga oid bilimi tekshiruvdan o‘tkazilganligi to‘g‘risidagi hujjatlar;

- qurolga egalik qilishga qarshi ko‘rsatmalar mavjud emasligi to‘g‘risidagi tibbiy xulosa;

- yig‘im to‘langanligini tasdiqlovchi hujjat;

- ovchilar jamoat birlashmasi tomonidan berilgan ovchilik guvohnomasi (ov qurolini olish uchun);

- ovchilar jamoat birlashmasining tavsiyanomasi (soyli stvolli ov o‘qotar qurolini, shuningdek og‘iz qismidagi quvvat 65 jouldan yuqori va kalibri 9 millimetrdan ortiq bo‘lgan pnevmatik ov qurolini olish uchun);

- otish sporti sohasidagi faoliyat bilan shug‘ullanuvchi yuridik shaxs tomonidan berilgan sportchi guvohnomasi (sport qurolini olish uchun).

Qonun rasmiy e’lon qilingan kundan e’tiboran 6 oy o‘tgach kuchga kiradi.

Yangiliklar lentasi
0