O‘zbekistonda yetishtirilgan sarxil mevalar ilk bor Malayziya bozorlariga kirib bordi

© Sputnik / Vitaliy Timkiv / Mediabankka o‘tishSbor urojaya chereshni i vishni
Sbor urojaya chereshni i vishni - Sputnik O‘zbekiston
Obuna bo‘lish
O‘zbekistonning sarxil mevalari malayziyalik hamkorlarda katta qiziqish uyg‘otdi va eksport hajmini yanada oshirish masalasi ko‘rib chiqilmoqda.

TOShKENT, 25-iyul — Sputnik. O‘zbekistondagi Golden Prime Fruit kompaniyasi mamlakatda yetishtirilgan sarxil gilos, shaftoli, o‘rik, uzum hamda olxo‘ri mevalarini ilk bor Malayziyaga eksport qilishni boshladi.

O‘simliklar karantini davlat inspeksiyasi xabariga ko‘ra, joriy yilning iyul oyida meva-sabzavot mahsulotlarining umumiy eksport hajmi 5 tonnani tashkil etdi. Shuningdek, mevalarning yana 1,5 tonnaga yaqin uchinchi partiyasi Made in Uzbekistan belgisi tushirilgan maxsus qadoqlarda manziliga jo‘natildi.

Chereshnya - Sputnik O‘zbekiston
Mazali gilos va uzum: O‘zbekiston mevalari dunyo bozorini zabt etmoqda – Bozorov

Kompaniya vakillarining qayd etishicha, O‘zbekistonda yetishtirilgan sarxil mevalar malayziyalik hamkorlarda katta qiziqish uyg‘otgan va eksport hajmini yanada oshirish masalasi ko‘rib chiqilmoqda.

Shu maqsadda hozirgi kunda ushbu davlatning yetakchi savdo tarmoqlari bilan muzokaralar olib borilmoqda. Bundan tashqari, joriy yilning avgust oyida qo‘shimcha ravishda qovun mahsulotlarini ham yetkazib berish rejalashtirilgan.

Eslatib o‘tamiz, avvalroq o‘zbek uzumi va gilosi endilikda Misr bozorlarida ham sotilishi haqida xabar qilgan edik.

Yangiliklar lentasi
0