TOShKENT, 6-iyul – Sputnik. Nur Otan partiyasi tomonidan tashkil etilgan tinch miting Almatida bo‘lib o‘tdi. Biz birgamiz deb nomlangan miting bir hafta oldin boshqa faollar namoyish o‘tkazgan skverda bo‘lib o‘tgan.
Mitingda 500 ga yaqin kishilar ishtirok etgan, ular orasida madaniyat vakillari, ilm sohasi vakillari, shahar jamoatchilik kengashlari vakillari, o‘qituvchilar ishtirok etishgan.
Namoyish o‘tkazilgan hududda bir qancha politsiyachilar, tez tibbiy yordam karetasi va ikkita yong‘in o‘chirish mashinalari navbatchilik qilgan.
Miting ishtirokchilari birlashib, fitnachilarga chap berishga da’vat qilganlar.
Namoyishchilar qo‘llarida "Biz urushga qarshimiz, bizga fitnachilar kerakmas", "Ablyazov - haqiqiy firibgar" va boshqa shiorlar yozilgan transparantlarni ushlab turishgan.
Nur Otan partiyasining Almati shahri filiali raisining birinchi o‘rinbosari Stanislav Konurov mitingda chiqish qila turib, namoyishda yig‘ilganlar maqsadi chet eldan harakat qilayotgan fitnachilarga qarshi turish ekanini aytgan.
"Biz o‘z bilimlarimizni oshirishimiz kerak va fitnachilarga yo‘l berishimiz kerak emas. Bu yerda yashayotgan fitnachilar ortida kim turibdi? Chet elga qochgan Ablyazov. Agar u haqiqatda Qozog‘iston uchun jon kuydirganida edi, hozir xalq yonida bo‘lardi", - degan Konurov.
Qochoq oligarx Muxtar Ablyazov bir nechta jinoiy ishlar stal figurantiga aylangan. 2018-yil mart oyida sud "Qozog‘iston demokratik tanlovi" harakati faoliyatini ekstremistik deb tan olgan. Ablyazov noroziliklarga da’vat qilib, ijtimoiy tarmoqlar orqali ijtimoiy dushmanlikni olov oldiradi, deb ta’kidlagan Qozog‘iston Bosh prokuraturasi.
