Haj va Umraga boradigan fuqarolarni tibbiy ko‘rikdan o‘tkazish tartibi o‘zgardi

TOShKENT, 3-iyul – Sputnik. “Haj va Umra tadbirlarini tashkil etish va o‘tkazishni yanada takomillashtirish chora-tadbirlari to‘g‘risida”gi Hukumat qaroriga o‘zgartirish va qo‘shimchalar kiritildi .

Kiritilgan o‘zgartirishlarga muvofiq, Haj va Umra tadbirlariga boradigan fuqarolar tuman (shahar)lar tibbiyot birlashmalarida, murakkab va ziddiyatli holatlarda markaziy poliklinikalardan birida bepul tibbiy ko‘rikdan o‘tkaziladi.

O‘zbekistonda Haj va Umra ziyorati uchun qo‘shimcha aviareyslar qatnovi yo‘lga qo‘yildi

Qayd etish joizki, ilgari tibbiy ko‘rikning barcha bosqichlari faqat Qoraqalpog‘iston Respublikasi va viloyatlar markazlarida, shuningdek Toshkent shahrida markazlashtirilgan holda bitta tibbiyot muassasasida bepul o‘tkazilgan.

O‘zbekiston va Saudiya Arabistoni o‘rtasida Haj shartnomasi imzolandi