TOShKENT, 1-iyul – Sputnik. Rossiyaning S-400 zenit-raketa tizimlarini Turkiyaga yetkazib berish ishlari 10 kun ichida boshlanadi. Bu haqda Yaponiyada o‘tkazilgan G20 sammitida Turkiya prezidenti Rejep Toyib Erdo‘g‘on ma’lum qildi. RIA Novosti xabariga asosan.
U Ankara bu masala Vashington bilan hal qilishiga umid bildirdi. AQSh bir vaqtning o‘zida Rossiyadan S-400 va AQShdan F-35 qiruvchilarini yetkazib berilishi mumkin emas deb hisoblagandi.
“Biz hozircha sanksiyalar haqida hech narsa eshitmadik. Bu masala bu yerdagi muzokaralar yoki Tramp bilan bo‘lib o‘tgan telefon so‘zlashuvlarda yuzaga chiqmadi”, - Turkiya yetakchisining so‘zlarini keltiradi NTV telekanali.
Bundan avval, Turkiya prezidenti Rossiyadan S-400 sotib olish kelishuvi “butunlay yopilgani”ni aytgandi.
Tramp Osaka shahrida o‘tkazilgan G20 sammitida AQSh Turkiyaga Rossiyadan zenit raketa tizimlari yetkazib berilishiga qarshi sanksiyalarni kiritmasligini ma’lum qilgandi.
