TOSHKENT, 28 iyun – Sputnik. Rossiyada samolyot va razvedka-dronlarga koʻrinmaydigan “Soʻqmoq” (Tropa) nomli passiv radioaloqa stantsiyasi yaratildi. Bu haqda “OKB-Planeta” tadqiqot kompaniyasi rahbari Aleksandr Petrov maʼlum qildi.
“Ishlashi oddiy – televizion yoki uyali aloqa minoralardan aks etgan signaldan foydalaniladi, yaʼni radar oʻzi hech qanday nurlanish tarqatmaydi, demak uni hech kim koʻrmaydi va eshitmaydi”, - deydi mutaxassis.
Stantsiya muvaffaqiyatli sinovdan oʻtdi. Shahar qismida aloqa minoralaridan aks etgan samolyot signalini aniqladi.
“Buyurtmachilarning qiziqishi bor”, - deb taʼkidladi Petrov.
Uning soʻzlariga koʻra, nafaqat kuch ishlatar idoralar, balki shaxsiy hayoti “dronlar yordamida kuzatilishi”ni istamagan xususiy mijozlar ham xarid qilishi mumkin.
