TOShKENT, 28-iyun – Sputnik. Moskvada nafaqadagi ayolni o‘ta xavfli “qoraqurt” o‘rgimchak chaqdi. Sklifosovskiy nomidagi shifoxonada ayolning hayoti saqlab qolindi. Bu haqda RIA Novosti xabar qildi.
Hodisa 26-iyun kechqurun sodir bo‘ldi. 37 yoshli erkak xonani tozalayotgan bo‘lgan. U 64 yoshli onaga divanda o‘tirib turishni aytadi. To‘satdan kishining oyog‘iga kattaligi 1,5 santimetr bo‘lgan o‘rgimchak sakrab tushadi. Erkak uni siltaydi, o‘rgimchak onasini oyog‘iga tushib, uni chaqadi.
O‘g‘ilning so‘zlariga ko‘ra, onaning oyoqi shu zahoti “shishib ketadi”. Uy egasi o‘rgimchakni vilka yordamida tutib, shisha idishga soladi.
Keyinchalik toksikologiya bo‘limi shifokorlari bu “qoraqurt” o‘rgimchagi ekanligini tasdiqlashdi.
Erkakning so‘zlariga ko‘ra, yuqori qavatda ta’mirlash ishlari olib borilishi sababli yoki onasi sotib olgan uzum bilan birga uyda o‘rgimchak paydo bo‘lgan bo‘lishi mumkin.
Jabrlangan ayol shifoxona yotqizildi, shishishni yo‘qotish uchun kerakli muolajalar qilindi.
“Qoraqurt” o‘rgimchagi o‘ta xavfli zaharli o‘rgimchak hisoblanadi, u Markaziy Osiyo - Qirg‘iziston, Qozog‘iston, Kalmikiya, Astraxan viloyati, Eron, Afg‘oniston, O‘rta yer dengizi qirg‘oqlari, Shimoliy Afrika, Janubiy Yevropa, Rossiya va Ukraina janubida uchraydi.
O‘rgimchak bezovta qilinmasa, u odam va hayvonlarga hujum qilmaydi. Uning zahri darhol ta’sir qiladi: odamlarda qaynoq og‘riq paydo bo‘lib, 10-15 daqiqada butun badan bo‘ylab tarqaydi.
