TOShKENT, 14-iyun - Sputnik. Samarqandda fuqaro ikki kishini ayovsiz do‘pposlab, ulardan birini o‘ldirib qo‘ydi.
O‘zbekiston IIV Jamoatchilik va OAV bilan aloqalar boshqarmasining xabar berishicha, 13-iyun kuni Samarqand tumanida yashovchi 47 yoshli X.R. tanishi 57 yoshli O.A.ga tegishli Shirinobod MFYda joylashgan dala hovlisida o‘zaro janjallashadi. Janjal oqibatida O.A va shu yerda bo‘lgan uning yana bir tanishi 44 yoshli B.B.larning tanasining turli joylariga urib-tepib jarohat yetkazadi.
“Natijada O.A. kasalxonaga olib ketilayotgan vaqtida vafot etgan. B.B. kasalxonaga yotqizilgan”, - deyiladi xabarda.
Jinoyatchi qo‘lga olingan.
Hozirda holat yuzasidan O‘zbekiston JKning tegishli moddalari bilan jinoyat ishi qo‘zg‘atilib, tergov harakatlari olib borilmoqda.
