TOShKENT, 6-iyun – Sputnik. 6 iyun kuni Toshkent shahrida ob-havo o‘zgarishi kuzatiladi. Bu haqda Toshkent shahar hokimligi matbuot xizmati “O‘zgidromet” xabariga asoslanib xabar qilmoqda.
Poytaxtda vaqti-vaqti bilan chaqmoq chaqadi va yomg‘ir yog‘adi. G‘arbdan esadigan shamol tezligi 5-10 m/sni tashkil etadi. Chaqmoq paytida shamol tezligi 15-20 m/sga ortadi.
Havo harorati kunduzi +28...+30 daraja, kechqurun esa +15...+17 daraja iliq bo‘lishi kuzatilmoqda.
“Kuchli shamol sizga va yaqinlaringizga, mol-mulkingizga zarar yetkazmasligi uchun bunday paytda daraxtlar ostida yurmang hamda avtomobilingizni ham daraxtlar tagida saqlamang. Kuchli yog‘ingarchilik oqibatida shahrimizda suv toshish holatlarini kuzatsangiz, 1050, 1055 telefon raqamlariga qo‘ng‘iroq qiling”, - deb ogohlantiradi Toshkent shahar hokimligi.
So‘nggi bir necha kun davomida yoqqan yomg‘ir shaharda suv toshishi bilan bog‘liq ko‘ngilsiz holatlarni keltirib chiqardi.
