TOShKENT, 5-iyun — Sputnik. Bishkekda noma’lum shaxslar Eski maydonda o‘qilgan Hayit namoziga travmatik to‘pponcha olib o‘tishga urindi.
Sputnik Qirg‘izistonning xabar qilishicha, bir necha kishi o‘tkir-sanchiluvchi predmet va travmatik to‘pponchalarni olib o‘tishga uringan. Bishkek shahar IIBB xabariga ko‘ra, ikki kishi qo‘lga olingan. Ular surishtiruv ishlarini o‘tkazish uchun Pervomayskiy tuman IIBga olib borilgan.
Qayd etilishicha, Bishkekdagi Hayit namozida 50 mingdan ortiq fuqaro ishtirok etgan. Jamoatchilik tartibini ta’minlash uchun ikki mingdan ziyod huquqni muhofaza qiluvchi organ xodimlari jalb qilingan.
