TOShKENT, 24-may - Sputnik. Buyuk Britaniya bosh vaziri Tereza Mey o‘z iste’fosi haqida e’lon qildi, deb xabar berdi RIA Novosti.
Kutilishicha, Mey 7-iyun kuni Konservativ partiya rahbari lavozimini tark etadi.
"Mey o‘zining bu qarorini YeIning Brexit bo‘yicha taqdim etgan yangilangan kelishuvidan norozi bo‘lgan partiyadoshlari, shu jumladan, vazirlar mahkamasi a’zolari qistovi bilan e’lon qilgan", - deyiladi xabarda.
Bu esa Mey mamlakat bosh vazirligi lavozimini ham tark etishi kerakligini anglatadi.
Ammo 7-iyun kuni lavozimdan ketishi kutilayotgan Mey iyun boshida Buyuk Britaniyaga davlat tashrifini amalga oshirayotgan AQSh prezidenti Donald Trampni to‘laqonli bosh vazir sifatida qabul qilishi mumkin.
Yangi yetakchini saylash jarayoni rasman 7-iyundan keyin boshlanadi. Ayni damda Britaniya TIV sobiq rahbari Boris Jonson o‘z nomzodini ilgari surishi haqida e’lon qilishga ulgurdi. Shuningdek, potensial nomzodlar orasida Buyuk Britaniya TIV rahbari Jeremi Xant va IIV rahbari Sajid Javidlar bor.
Toki yangi yetakchi saylanmas ekan, bu jarayon odatda olti hafta vaqtni oladi, Mey vaqtincha bosh vazir lavozimini bajaruvchi sifatida qolishi ehtimolga yaqin.
