TOShKENT, 24-may – Sputnik. O‘zbekistonlik bokschi Shohjahon Ergashevning navbatdagi raqibi puerto-rikolik Danielito Zorrilla bo‘ladi. Bu haqda O‘zbekiston Olimpiya qo‘mitasi xabar qildi.
Zorrilla shu paytgacha 11 bor ringga ko‘tarilgan va barchasida g‘alaba qozongan. Janglarning 9 tasida esa raqiblarini nokautga uchratgan.
Undan avval Shohjahon Ergashev 9-iyun kuni o‘zining professional boksdagi o‘n yettinchi jangini o‘tkazishi haqida xabar berilgan. Bu jangni Moskvada o‘tkazish rejalashtirilgan.
