TOShKENT, 24-may – Sputnik. "AQSh prezidenti Donald Tramp Eronning "kuni bitishiga" hech qachon guvoh bo‘lmaydi", deya bayonot qildi Eron TIV rahbari Muhammad Jovad Zarif.
Ilgariroq, AQSh prezidenti Donald Tramp agar Eron Amerika bilan bellashishga qaror qilsa yoki Qo‘shma Shtatlarga po‘pisa qilsa, u tez orada "tugashi"ni bashorat qilgan va Tehronga hech qachon bunday qilmaslikni maslahat bergan edi.
"U (Tramp - tahr.) bir necha kun oldin Eronning kuni bitgani haqida bashorat qilgan edi, biroq Eron Trampning kuni bitishini tomosha qiladi, u hech qachon Eron tamom bo‘lishini ko‘rmaydi", - dedi Zarif.
Siyosatchining chiqishi tasvirlangan video Eron TIV saytida e’lon qilingan.
Eron TIV rahbari, shuningdek, amerika prezidenti o‘z bayonotlari bilan tarixni bilmasligini oshkor qilib qo‘yganini qo‘shimcha qilgan.
Zarif Trampni Eronga iqtisodiy bosim o‘tkazish va siyosiy hissiyotlarini xiralik bilan yopishtirish orqali "iqtisodiy terror" bilan shug‘ullanayotgan "terrorchi" deb atagan.
Eron atrofida vaziyat o‘tkir tus olgach, AQSh Fors qo‘ltig‘ida kamida yettita harbiy kemalarni joyladi va bu hududga Patriot zenit-raketa majmuasini olib kelib, o‘rnatdi. Pentagon ushbu harakatlarga izoh berar ekan, "Eronning AQSh kuchlariga qarshi bosqinchilik operatsiyasiga tayyorligi darajasi oshib borayotgani yaqqol ko‘zga tashlanayotgani va shu tufayli AQSh o‘z xalqi manfaatlarini himoya qilayotganini" ma’lum qilgan edi. Tramp Eron bilan urush boshlanishining oldini olishga umidvorligini bildirgan bo‘lsa, Eron oliy yetakchisi Ali Humayni Eron AQSh bilan urush olib borishni istamasligini, ammo Vashingtonga qarshilik ko‘rsatishda davom etishini aytgan edi.
