TOShKENT, 23-may – Sputnik. 2019-yilning 1-sentabridan boshlab tunda yo‘lga chiqqan yo‘lovchi avtobuslarni YPX avtomobili kuzatib boradi. Bu haqida Hukumat qarorida aytib o‘tilgan.
“2019 yilning 1-sentabridan boshlab yangi tartib o‘rnatilsin. Unga ko‘ra yo‘lovchilarni tungi vaqtda tashish faqat ichki ishlar organlarining maxsus jihozlangan avtomobillarida amalga oshirilsin”, - deyilgan hujjat matnida.
Ushbu yangi tartib viloyatlararo, shaharlararo, xalqaro, turistik va bolalarni tashuvchi avtobuslarga taaluqli deyilgan xabarda.
Yo‘lovchi tashuvchi kompaniyalar 1-sentabrdan boshlab o‘z avtobuslariga haydovchi charchaganini aniqlovchi moslamalar o‘rnatishlari kerak bo‘ladi. Qatnovlar orasida dam olishga 12 soatdan kam vaqti bo‘lgan haydovchilar qayta ishlashga qo‘yilmaydi.
Shuningdek, 2021-yilning 1-yanvaridan boshlab, ishlab chiqarilganiga 15-yildan ko‘p bo‘lgan avtobuslarda yo‘lovchi tashish man etiladi.
Eslatib o‘tamiz, ushbu yilning 28-apreli tunda Toshkent viloyatida ichida maktab o‘quvchilari bo‘lgan atobus YTHga uchrab yonib ketgan edi. Shundan keyin O‘zbekiston Hukumati tungi vaqtda avtobuslar harakati ustidan nazoratni kuchaytirishga qaror qilgan.
