TOShKENT, 20-may – Sputnik. Military.com nashri AQSh harbiy dengiz kuchlariga qarashli bo‘lgan USS Florida suv osti kemasida yuz bergan mojaro tafsilotlarini ochiqladi. RIA Novosti xabariga asosan.
Ta’kidlanishicha, o‘tgan yilning iyun oyida kema kapitanining yordamisi Gregori Kercher suv osti kemada kimdir ekipaj a’zolari qayd etilgan ikkita ro‘yxat tuzilgani haqida rahbariyatga ma’lum qildi.
Ro‘yxatda USS Florida kemasida bo‘lgan ayol harbiylari qarshisida “yulduzcha” shaklida baholar qo‘yilgan. Boshqa ro‘yxatda esa ayol ekipaj a’zolarini baholovchi jinsiy mazmundagi izohlar yozilgan.
Bu ro‘yxatlar haqida xabar dengiz osti kema ekipaji orasida tez tarqaldi. Undan keyin ayollar o‘z xavfsizligi haqida xavotirlana boshladilar.
Kercher ro‘yxat muallifini aniqlashga harakat qiladi, ammo rasmiy surishtiruv boshlanishiga yo‘l qo‘ymaydi.
AQSh harbiy dengiz kuchlari rahbariyatiga bu haqda xabarlar yetib borgach, Kercher is’tefoga chiqarildi. Keyinchalik bir nechta ekipaj a’zolari intizomiy jazoga tortildi.
USS Florida kemasi - AQSh harbiy dengiz kuchlariga ayol harbiylar xizmat qiladigan ikkinchi suv osti kemasi hisoblanadi. Mojaro boshlanganda 173 nafar ekipaj a’zolaridan 32 nafari ayol bo‘lgan.
