TOSHKENT, 27 apr — Sputnik. Bosh prokuratura huzuridagi departamentning Surxondaryo viloyat boshqarmasi va DXX viloyat boshqarmasi xodimlari tomonidan tezkor tadbir oʻtkazildi.
Bu haqda Bosh prokuratura matbuot xizmati xabar qildi.
Xabarda aytilishicha, Angor tumani tibbiyot birlashmasi boshligʻi vazifasini bajaruvchi N.X. fuqaro O.B.ni yuqumli kasalliklar boʻlimiga kichik tibbiy xodim vazifasiga ishga qabul qilish evaziga birlashma kadrlar boʻlimi boshligʻi N.S. orqali 2,5 mln. soʻm pullarni pora tariqasida olgan vaqtida ashyoviy dalillar bilan ushlangan.
Mazkur holat yuzasidan N.X. va N.S.larga nisbatan Oʻzbekiston Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari olib borilmoqda.
