TOShKENT, 4 apr – Sputnik. Google Ukraina prezidenti nomzodi Zelenskiyning reklama akkauntni bloklab qo‘ydi, deb xabar qilmoqda RIA Novosti.
“Google bizning Google Ads xizmatidagi reklama akkauntimizni, hech qanday sababi ko‘rsatilmagan holda, bloklab qo‘ydi. Undan tashqari bizning video lavhalarimiz statistikasi ham noto‘g‘ri aks etayotganini bilib qoldik”, - deyilgan rasmiy xabarda.
Xabarda shuningdek, Google Ads xizmatidan skrinshotlar keltirilgan. Unda Google akkaunt bloklanganini va ushbu qaror appelyatsiya qilinishi mumkinligi xabar qilingan.
Googlening o‘zi ushbu xabarga hozircha hech qanday izoh bergani yo‘q.
