TOShKENT, 3 mar – Sputnik. Taniqli adabiyotshunos olim, ming minglab talabalarning ustozi Omonulla Madayev 2-mart kuni 76 yoshida vafot etdi. Bu haqida Facebookda adibning yaqinlari xabar qildi.
“Adajonimni berib kuydik... Ertaga peshin namozida Kukcha masjidida ukiladi janozalari”, - deyilgan Shaxnoza Madevaning xabarida.
Omonulla Madayev 1942-yilning 20-mayida Toshkent shahrida tug‘ilgan. 1964-yilda ToshDUning filologiya fakultetini bitirib maktab o‘qituvchisi bo‘lib ishlay boshlaydi. 1982-yildan 2015-yilga qadar ToshDUning o‘zbek mumtoz adabiyoti fakultetila ishlab kelganlar.
Omonulla Madayevning xizmatlari “Moxir pedagog”, “Otlichnik narodnogo obrazovaniya” va “Do‘stlik” unvonlari bilan taqdirlangan. O‘quvchilari u kishini judda qattiqqo‘l va shu bilan birga mehribon ustoz sifatida eslab qolganlar.
So‘nggi yillarda ustoz Omonulla Madayev O‘zbekistondagi mavjud test tizimini, o‘qituvchilar orasidagi poraxo‘rlikni keskin tanqid qilgan edilar. Xususan, u kishining O‘zbekiston televideniyesidagi ko‘rsatuvlardan birida o‘ta murakkab ifodalangan savol yuzasidan "Bolasi yo‘q odam tuzgan bu savolni" degan gaplari hammaning yodida bo‘lsa kerak.
