Shavkat Mirziyoyev Namanganda Yaponiya bilan hamkorlikda qurilayotgan IES bilan tanishdi

© Press-slujba prezidenta UzbekistanaTurakurganskaya teplovaya elektrostansiya
Turakurganskaya teplovaya elektrostansiya - Sputnik O‘zbekiston
Obuna bo‘lish
Prezident ushbu loyiha muhim strategik ahamiyatga ega ekanini, va aholini ishonchli elektr energiya bilan ta’minlash imkonini berishini ta’kidladi. 

TOShKENT, 28 fev – Sputnik. Shavkat Mirziyoyev Namanganga tashrifini To‘raqo‘rg‘on issiqlik elektr stansiyasi qurilishi bilan tanishishdan boshladi, deb xabar qilmoqda prezident matbuot xizmati.

“To‘raqo‘rg‘on IESining birinchi bug‘-gaz qurilmasi 2019-yilning sentabr oyida, ikkinchisi - dekabr oyida ishga tushiriladi. Buning natijasida Farg‘ona vodiysi iste’molchilari uchun 900 MVt qo‘shimcha quvvat yoki yiliga 6,7 milliard kVt/soat elektr energiya ishlab chiqariladi. Inshoot foydalanishga topshirilgach, qo‘shimcha 300 kishi ish bilan ta’minlanadi”, - deyilgan xabarda.  

Loyihani umumiy qiymati 1 milliard 195 million AQSh dollaridan ziyod bo‘lib, Yaponiyaning “Mitsubihi Corporation” va “Mitsubishi Hitachi Power Systems” konsorsumi tomonidan amalga oshirilmoqda.

Ushbu ulkan loyiha Yaponiya xalqaro hamkorlik agentligi (JICA), O‘zbekiston Tiklanish va taraqqiyot jamg‘armasi va “O‘zbekenergo” AJ mablag‘lari asosida moliyalashtirilmoqda.

Velosipedi - Sputnik O‘zbekiston
Namanganda velosiped va motosikllar ishlab chiqarish korxonasi ish boshladi

Bunyodkorlik ishlariga 2 ming 400 dan ziyod mahalliy va xorijiy ishchi-xizmatchi jalb etilgan. Loyiha-qidiruv va qurilish-montaj ishlari Turkiyaning “SaIik Enerji” kompaniyasi muhandis-texnik mutaxassislari tomonidan olib borilayotir. 

Hozirgi kunda elektr energiyasini ishlab chiqaradigan asosiy agregatlardan birinchi va ikkinchi blok transformatorlari, gaz trubina, chiqindini qayta ishlash qozonlari, paratrubina va boshqa asbob-uskunalari montaj qilindi. Qolgan elektr qurilma agregatlari, asbob-uskunalar olib kelinib o‘rnatilmoqda. 

Bugungi kunga qadar loyiha doirasida 83 foizdan ziyod ish bajarilgan, qariyb barcha asbob-uskuna va agregatlar xarid qilingan. 

Shavkat Mirziyoyev dlya oznakomleniya s sotsialno-ekonomicheskimi proyektami otbil v Xorezmskuyu oblast - Sputnik O‘zbekiston
Mirziyoyev yangi loyihalarni belgilash maqsadida Namanganga jo‘nab ketdi

Loyiha 10-yildan so‘ng o‘zini to‘la oqlaydi. Eng muhimi, bu yerda ishlab chiqarilgan elektr energiya tannarxi boshqa issiqlik elektr stansiyalarnikidan arzonligi bilan ajralib turadi. Jumladan, To‘raqo‘rg‘on IESda ishlab chiqarilgan 1 kVt elektr energiyaning o‘rtacha tannarxi 124 so‘mni tashkil etadi. 

Shavkat Mirziyoyev bu loyiha muhim strategik ahamiyatga ega ekanini, stansiya vodiy viloyatlarining iqtisodiy salohiyatini yanada yuksaltirish va aholini ishonchli elektr energiya bilan ta’minlash imkonini berishini ta’kidladi. 

Issiqlik elektr stansiyasini muvaffaqiyatli ishga tushirish va foydalanish, buning uchun sohaga ixtisoslashgan yuqori malakali kadrlar tayyorlash bo‘yicha ko‘rsatmalar berdi.

Yangiliklar lentasi
0