TOSHKENT, 23 fev - Sputnik. AQSH Davlat departamenti delegatsiyasi Oʻzbekistonga rasmiy tashrif bilan keladi. Bu haqda Tashqi ishlar vazirligi matbuot-xizmati xabar berdi.
"2019-yilning 25-fevral kuni Oʻzbekistonga AQSH Davlat kotibining Janubiy va Markaziy Osiyo masalalari boʻyicha yordamchisi vazifasini bajaruvchi Elis Uells boshchiligidagi delegatsiya keladi", - deyiladi xabarda.
Tashrif dasturidan ikki tomonlama maslahatlashuvlarning navbatdagi raundini hamda Oʻzbekistonning vazirlik va idoralarida uchrashuvlar va muzokaralar oʻtkazish oʻrin olgan.
