TOShKENT, 22 yanv — Sputnik. Rossiyalik grossmeyster Anatoliy Karpov hozirgi shaxmatchilarning kelajakdagi istiqbollari haqidagi fikrlarini Sputnik O‘zbekiston᾽ga bildirib o‘tdi.
“Yosh iste’dodlar haqida to‘xtaladigan bo‘lsak, Rossiyada, Ukrainada, Belarusda hozircha amaldagi jahon chempion Magnus Karlsendan unvonini tortib olishlari mumkin bo‘lgan da’vogarlar yo‘q. Kavkazda ham biror da’vogarni ko‘rmayabman. O‘zbekistonda esa juda iste’dodli shaxmatchilar bor”, - dedi shaxmat bo‘yicha uch karra jahon chempioni Karpov.
Shuningdek, Karpov Hindiston va Xitoyda ham kelajakda Karlsenni chempionlik unvonidan mahrum qilishi mumkin bo‘lgan kuchli shaxmatchilar borligini ta’kidladi.
Karpov: shaxmat Rossiyaga O‘zbekistondan kirib kelgan bo‘lishi mumkin
Eslatib o‘tamiz, avvalroq Rossiyaning Sankt-Peterburg shahrida shaxmatning blis va rapid yo‘nalishlari bo‘yicha jahon chempionatida qatnashgan 16 yoshli Shamsiddin Vohidov rapid yo‘nalishidagi bahslarning ikkinchi raundida amaldagi jahon chempioni, Magnus Karlsenni mag‘lubiyatga uchratgani haqida xabar qilgandik.
