TOShKENT, 15 yanv – Sputnik. Moskva viloyatidagi qurilishda ikki nafar O‘zbekiston fuqarosini beton plita bosib qoldi, bu haqda tergov qo‘mitasining hududiy boshqarmasining matbuot xizmati xabar qildi.
15 Yanvar 2019, 14:53
Fojia Klin okrugida 14-yanvar kuni sodir bo‘ldi.
Huquq tartibot organ ma’lumotiga ko‘ra, ikki nafar o‘zbekistonlik eski uskunalar zavodi binosining temir beton plitalarini demontaj qilayotgan bo‘lgan.
Ish jarayonida beton to‘siqlardan biri qulab tushib, migrantlarni bosib qoldi.
Buning oqibatida 27 va 29 yoshli O‘zbekiston fuqarolari jarohat olib voqea joyida halok bo‘lgan.
Ushbu holat yuzasidan sud-tibbiy ekspertiza tayinlandi.
