TOShKENT, 9 yanv - Sputnik. O‘zbekiston milliy terma jamoasi bugun Osiyo Kubogidagi ilk uchrashuvni Ummon terma jamoasiga qarshi o‘tkazadi.
O‘yin Sharja shahridagi "Sharjah Club Al Hazana" o‘yingohida Toshkent vaqti bilan soat 18:30da boshlanadi. Mazkur bahsga koreyalik Kim Dong Jin bosh hakamlik qiladi.
Qizig‘i shundaki, bugun O‘zbekiston terma jamoasi yarim himoyachisi Ikrom Aliboyev o‘zining 25 yoshini qarshi olmoqda.
Kuni kecha O‘zbekiston futbol assotsiatsiyasi 1-vitse-prezidenti Umid Ahmadjonov jamoa a’zolari bilan uchrashdi. Chiroyli o‘yin namoyish qilib, millionlab futbol muxlislarini, butun o‘zbek xalqini xursand qilishlarini tiladi. Agar terma jamoa BAAdagi turnirda g‘alabaga erishsa, O‘zbekistonda katta bayram bo‘lishini qo‘shimcha qildi.
Kuper O‘zbekiston termasi o‘yinchilarini darvozaga urilmagan gol uchun jazolamoqda ˃˃˃
Osiyo Kubogi 5-yanvar kuni BAAda boshlandi. Ushbu turnir 1-fevralgacha davom etadi. O‘zbekiston terma jamoasi 9, 13 va 17-yanvar kunlari Ummon, Turkmaniston va Yaponiyaga qarshi maydonga tushadi.
