TOShKENT, 21 dek - Sputnik. Professional bokschi Shohjahon Ergashev 2019-yilning 23-fevralida Nyu-York shahrida o‘zining navbatdagi jangini o‘tkazadi, deb xabar qildi O‘zbekiston Milliy olimpiya qo‘mitasi.
Shohjahon Ergashevning navbatdagi raqibi sifatida amerikalik yengilmas Maykl Foks ringga ko‘tariladi.
Shohjahon shu kungacha professional boksda 16 ta jang o‘tkazgan va ularning barchasida g‘alaba qozongan (15 tasi nokaut bilan). Uning raqibi Maykl Foks esa 19 marotaba jang o‘tkazib, ularning barchasida raqiblarini taslim etgan. Janglarining 5 tasida u muddatidan oldin g‘alaba qozongan.
