TOShKENT, 20 dek - Sputnik. Toshkentda Lacetti avtomobili tunnelda ag‘darilib ketdi. Yo‘l-transport hodisasi Sebzor ko‘chasidagi tunnelda chorshanba kuni yuz berdi, deb xabar qildi Toshkent IIBB matbuot xizmati.
“YTH Lacetti avtomobili haydovchisi 20 yoshli Odilbek A. boshqaruvni eplay olmay qolgani tufayli sodir bo‘lgan. Oqibatda avtomobil ko‘cha simog‘och ustuniga urilib, ag‘darilib ketgan”, - deyilgan xabarda.
Haydovchi kasalxonaga yotqizilgan. Shifokorlar o‘rtacha og‘irlikdagi tan jarohatlari aniqlashgan.
Ayni damda haydovchining ahvoli qoniqarli deb baholanmoqda.
