Senatorlar kelgusi haftada Bobojonov va Kamilovning hisobotini eshitadi

© Sputnik / Dilshoda RaxmatovaOliy Majlis Senatining o‘n oltinchi yalpi majlisi
Oliy Majlis Senatining o‘n oltinchi yalpi majlisi - Sputnik O‘zbekiston
Obuna bo‘lish
Senat yalpi majlisiga 2019-yilgi Davlat budjeti, soliq va budjet siyosatining asosiy yo‘nalishlari to‘g‘risidagi masala kiritildi.

TOShKENT, 5 dek – Sputnik. 2018-yil 5-dekabr kuni O‘zbekiston Oliy Majlisi Senati Kengashining majlisi bo‘lib o‘tdi. Majlisni Oliy Majlis Senati Raisi N.Yo‘ldoshev olib bordi.

Svadba docheri tadjikskogo oligarxa Shokirova  - Sputnik O‘zbekiston
Senat vakili dabdabali to‘ylarni taqiqlash nega kerakli natijani bermasligini tushuntirdi

Kengash O‘zbekiston Oliy Majlisi Senatining o‘n yettinchi yalpi majlisini joriy yilning 13-dekabr kuni Toshkent shahrida chaqirish to‘g‘risida qaror qabul qildi.

Senat yalpi majlisi muhokamasiga O‘zbekiston Respublikasining 2019-yilgi Davlat budjeti, davlat maqsadli jamg‘armalarining budjetlari hamda soliq va budjet siyosatining asosiy yo‘nalishlari to‘g‘risidagi masala kiritilmoqda.

Shuningdek, yalpi majlis kun tartibiga O‘zbekiston Respublikasining bir qator qonunlari hamda mamlakatda olib borilayotgan islohotlarning samaradorligini tubdan oshirishga, 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirishga oid Davlat dasturini ijro etishga, xalqaro hamkorlikni mustahkamlashga qaratilgan masalalar kiritilmoqda.

“O‘zbekiston Respublikasining xalqaro shartnomalari to‘g‘risida”gi, “O‘zbekiston Respublikasining Konsullik ustavini tasdiqlash to‘g‘risida”gi, “Jabrlanuvchilarni, guvohlarni va jinoyat protsessi boshqa ishtirokchilarini himoya qilish to‘g‘risida”gi, “Urug‘chilik to‘g‘risida”gi O‘zbekiston Respublikasi qonunlari, shuningdek O‘zbekiston Respublikasining ayrim qonun hujjatlariga jamoat tartibini ta’minlash mexanizmlarini, ba’zi davlat organlari faoliyatini, qishloq xo‘jaligida ekin maydonlaridan samarali foydalanish mexanizmini takomillashtirishga qaratilgan o‘zgartish va qo‘shimchalar kiritish to‘g‘risidagi qonunlar shular jumlasidandir. Shu bilan birga, xalqaro hujjatlarni ratifikatsiya qilish to‘g‘risidagi qonunlar ham ko‘rib chiqiladi.

Senatorlar faoliyatidan bir kun - Sputnik O‘zbekiston
Rustam Inoyatovdan tortib Quronboyevgacha - Oliy Majlis Senatidan bir kun

Bundan tashqari, senatorlar yalpi majlisda O‘zbekiston ichki ishlar vazirining ichki ishlar organlarining jinoyatchilikka qarshi kurashish va huquqbuzarliklarning oldini olish sohasidagi faoliyati, shuningdek O‘zbekiston tashqi ishlar vazirining vazirlikning 2018-yildagi faoliyati to‘g‘risidagi axborotini eshitadilar.

Yalpi majlisda Farg‘ona viloyati hokimining hududlarni rivojlantirish hamda xalq deputatlari mahalliy Kengashlari faoliyati haqidagi hisoboti tinglanadi.

Senatorlar fuqarolarning kafolatlangan mehnat huquqlarini ta’minlash masalalari bo‘yicha Parlament komissiyasi raisining axborotini eshitadilar va 2019-yilda ko‘p tarmoqli fermer xo‘jaliklarini tashkil qilish dasturi to‘g‘risidagi masalani ham ko‘rib chiqadilar.

Senat a’zolari O‘zbekiston Bosh vaziriga kontrakt bo‘yicha harbiy xizmatga kirish va uni o‘tashga oid qonun hujjatlari ijrosi holati va bu sohadagi huquqni qo‘llash amaliyoti yuzasidan parlament so‘rovi yuborish bilan bog‘liq masalani muhokama qiladilar.

Oliy Majlis Senati qo‘mitalari va devonining o‘n yettinchi yalpi majlisga tayyorgarlik ko‘rish va uni o‘tkazishga doir ishlarini muvofiqlashtirish uchun Senat Kengashi tomonidan ishchi guruh tuzildi. 

Majlisda Senat Kengashining vakolatlariga taalluqli boshqa masalalar ham ko‘rib chiqildi.

Yangiliklar lentasi
0