TOSHKENT, 5 dek – Sputnik. Rossiyalik grossmeyster Anatoliy Karpov Rossiyaga shaxmat qayerdan kelgan boʻlishi mumkinligi haqida Sputnik muxbiriga oʻz fikrini bildirdi.
“Oʻzbekiston shaxmat vatani emas, ammo sobiq Qoʻqon xonligi hududida qadimgi shaxmatni topishgan. Topilma shaxmat Rossiyaga Yevropadan emas, balki Oʻzbekistondan kelgan deb taxmin qilish asosini bergan”, - dedi Karpov.
Mamlakatning ushbu sport turida erishgan yutuqlariga qaramay, Oʻzbekiston shaxmat oʻylab topilgan mamlakat roliga daʼvogar boʻla olmaydi, deb taʼkidladi Anatoliy Karpov.
Ekspert fikriga koʻra, 90 yillarda Oʻrta Osiyo mintaqasi boʻyicha qozoqlar va qirgʻizlar yetakchilik qilishgan boʻlsa, bugungi kunda Oʻzbekiston ulkan muvaffaqiyatlarga erishib, hurmatli shaxmat davlatlari qatoriga kirgan.
