TOShKENT, 29 noya – Sputnik. O‘zbekiston prezidenti Shavkat Mirziyoyev bugun, 29-noyabr kuni ijtimoiy-iqtisodiy loyihalar bilan bevosita tanishish maqsadida Xorazmga jo‘nab ketdi, deb xabar qildi prezident matbuot xizmati.
Davlat rahbari Xorazmda olib borilayotgan islohotlar bilan tanishib, xalq bilan muloqotda bo‘lishi rejalashtirilgan.
Shavkat Mirziyoyev xalq ichiga kirib, odamlar hayotini bevosita ko‘zdan kechirish, ular bilan muloqot qilib, talab va istaklarini eshitish, hududlarning ijtimoiy-iqtisodiy holati bilan joyida tanishib, dolzarb masalalarni hal qilish, istiqbolga mo‘ljallangan vazifalarni belgilab berish uchun mamlakat bo‘ylab tez-tez safar qilib turadi.
Eslatib o‘tamiz, 15-16 noyabr kunlari Shavkat Mirziyoyev Qoraqalpog‘iston Respublikasiga tashrif buyurgandi.
