TOShKENT, 23 noya – Sputnik. Tadbirda nutq so‘zlagan Tojikistonning inson huquqlari bo‘yicha vakili Zarif Alizoda kelajakda Markaziy Osiyo ombudsmenlarining forumi tashkil qilinishi mumkinligini ta’kidladi. Bu haqda Sputnik O‘zbekiston muxbiri xabar qildi.
Ombudsmen so‘zlariga ko‘ra, bugungi forum barcha Markaziy Osiyo davlatlari, ayniqsa O‘zbekiston va Tojikiston uchun katta ahamiyatga ega, chunki mamlakatlar so‘nggi paytlarda yaqindan hamkorlik qilmoqda, jumladan inson huquqlarini himoya qilish sohasida.
“Tojikistonda bizning o‘zbek birodarlarimiz yashashadi, O‘zbekistonda ko‘p tojiklar hayot kechirishadi. Shuning uchun biz o‘z hamkorligimizni yo‘lga qo‘ymoqchimiz. Istiqbolda davlatlararo birlashma haqida aytish mumkin bo‘ladi. Biz hozir buni dastlab MO ombudsmenlari forumi deb atadik”, - dedi vakil.
Zarif Alizoda davlatlar hamkorlikni mustahkamlash kerakligi, chunki birlashma kelajakda jahon miqyosidagi umumiy masalalarga O‘zbekiston va Tojikiston kelishilgan holda yondashishiga ko‘mak berishi mumkinligini ta’kidladi.
