TOShKENT, 1 noya - Sputnik. Suriyada mag‘lubiyat yoqasida turgan Islom davlati terrorchilari Iordaniyaga o‘tishi mumkin. Bu haqda RIA Novosti National Interest nashriga asosan ma’lum qildi.
Maqola mualliflariga ko‘ra, AQSh qo‘llab-quvvatlanishiga qaramasdan aynan Iordaniya terrorchilar g‘oyalari tarqalish mumkin bo‘lgan xavfli zonada joylashgan.
Shuning uchun “Islom davlati” jangarlari shu davlatga yangi jang manzili sifatida o‘tishi mumkin.
Bu iordaniyaliklar IShID xorijiy jangarilar soni bo‘yicha uchinchi o‘rinda bo‘lganligi bilan ham bog‘liq. Ayrim ma’lumotlarga ko‘ra, ularning soni 3 mingga yaqin. Ishsizlik, aholi yashash darajasi juda pastligi va diniy sohani boshqarishda hukumat zaif pozitsiyaga ega ekanligi mamlakatda vaziyatni murakkablashtiradi.
National Interest ma’lumotlariga ko‘ra, Iordaniya barqarorligiga suriyalik qochoqlar ham xavf solmoqda. Hozirda mamlakatda ularning soni yarim million kishi yoki aholining 5 foizini tashkil qiladi.
Suriyada mag‘lubiyatga uchragan turli davlatlardan kelgan jangarilar o‘z vatanlariga, shu jumladan Markaziy Osiyo davlatlariga qaytishmoqda. Bu mintaqada vaziyat beqarorlashishiga olib kelishi mumkin.
Shu sababli Markaziy Osiyo davlatlari xavfsizlik masalalari bo‘yicha maslahatlashuvlar kuchaytirib, hududga IShID jangarilari kirib kelishini oldini olish maqsadida maxsus xizmatlar o‘rtasida yaqin aloqalarni yo‘lga qo‘yishdi.
