Bolalar zaharlangan bog‘chada tekshiruv o‘tkazildi: 15 nafar xodim ishdan bo‘shatildi

© Sputnik / Igor ZaremboObed v detskom sadu
Obed v detskom sadu - Sputnik O‘zbekiston
Obuna bo‘lish
Hamshira va barcha oshxona xodimlari ishdan bo‘shatildi, MTM rahbarining lavozimiga mos kelish masalasi ko‘rib chiqilmoqda.

TOShKENT, 23 okt – Sputnik. Maktabgacha ta’lim vazirligi Toshkent shahrining Mirzo Ulug‘bek tumanidagi 433-sonli maktabgacha ta’lim muassasasida ovqatdan zaharlanishning tahliliy natijalarini ma’lum qildi.

Xabarda aytilishicha, ushbu bog‘chaning 37 nafar tarbiyalanuvchisi bundan bir necha kun oldin oziq-ovqatdan zaharlanishi oqibatida kasalxonaga yotqizilgandi. 

Vazirlik xabar berishicha, hozirgi vaqtda barcha bolalar kasalxonadan chiqarildi.

Bolalardan tahlil namunalari olinib, Davlat sanitariya-epidemiologiya nazorati (DSEN) bakteriologik laboratoriyasiga yuborildi. 

Yujnokoreysi pomogut Uzbekistanu v sozdanii kontenta dlya doshkolnikov - Sputnik O‘zbekiston
Toshkentda bog‘cha bolalari uchun media materiallar tayyorlaydigan markaz paydo bo‘ladi

“Ovqat tayyorlash texnologiyasining qo‘pol buzilishi va sanitar qoidalarga rioya qilmaganlik sababli, 2018-yilning 5-oktabrida 433-sonli MTMning oshpazlari tomonidan tayyorlangan “teftellar”da ehtimol Shigella Fleksner 1b serotipi (xalqaro kasalliklari tasnifi bo‘yicha A05.8) ovqatdan zaharlanishni keltirib chiqargan”, - deyiladi DSEN xulosasi bo‘yicha Laboratoriya tahlili natijalarida. 

Ammo aynan Shigella Fleksner oqibatida ovqatdan zaharlanishning dastlabki tashxisi to‘liq tasdiqlanmagan. Tashxis natijalariga ko‘ra, 37 nafar boladan faqat 6 nafarida ushbu mikroorganizm aniqlandi. 

Shuningdek, maxsus sovutgichdagi qopqoqli steril shisha idishlarda saqlanadigan kunlik ovqat namunalari ham tekshirildi. Namuna so‘nggi ovqatlanishdan 72 soat keyin (8 oktabrda) olingan. Uzoq vaqt o‘tganiga qaramay, laboratoriyada bakteriologik tekshiruvlar ovqat namunasidan Shigella Flexnerni topmadi. 

Utrennik v detskom sadu Tashkenta - Sputnik O‘zbekiston
Bog‘cha puli to‘lovlarida kimlar imtiyozga egaligi ma’lum qilindi

"Epidemiologik tekshirish va laboratoriya tadqiqotlari natijalari muassasaning oshxonasida sanitariya meyorlari va qoidalariga rioya qilmaslikni ko‘rsatmoqda. 433-sonli MTMda dezinfeksiya va yuvish vositalari zaxirasi yetarli darajada bo‘lishiga qaramay, tekshiruv vaqtida MTM xodimlari tomonidan kunlik foydalanish yetarli darajada emasligi aniqlandi”, - deyilgan vazirlik xabarida. 

Tekshiruv natijalariga ko‘ra, MTMning 15 nafar xodimi, rejali tibbiy ko‘rikdan o‘tmaganligi uchun ishdan bo‘shatildi. Hamshira va barcha oshxona xodimlari ishdan bo‘shatildi, MTM rahbarining lavozimiga mos kelish masalasi ko‘rib chiqilmoqda.

Ta’kidlanishicha, aniqlangan qoidabuzarliklar bo‘yicha materiallar Bosh prokuraturaga berildi.

Yangiliklar lentasi
0