TOShKENT, 21 sen – Sputnik. AQShda sodir etmagan jinoyati uchun 27-yil qamoqda o‘tirgan Valentino Dikson ozodlikka chiqarildi, bu haqda RIA Novosti Golfworld nashriga asosan xabar qildi.
Yigirma yetti yil avval Valentino Dikson tungi klubga keladi. U yerda mushtlashuv boshlanib, otishma sodir bo‘ladi. Valentino aytishiga ko‘ra, to‘qnashuvda u ishtirok etmagan va voqea joyidan ketib qolgan. Bundan tashqari, u klubda 17 yoshli yigit halok bo‘lganligini ham bilmaydi.
Dikson onasi aytishiga ko‘ra, ular do‘stlaridan o‘g‘li politsiya tomonidan qidirilayotganligini bilib qolishadi. Bir necha vaqtdan so‘ng, uyiga politsiya kelib, uni hibsga olishadi.
Bundan avval Valentino narkotik moddalarni saqlash uchun sudlangandi. Shu bilan birga, tungi klubda o‘q uzilgan to‘pponcha unga tegishli bo‘lgan. Biroq, guvohlar aynan kim o‘q uzganini aniq ayta olishmaydi. Shunga qaramay, Dikson aybdor deb topilib, unga 39-yil qamoq jazosi tayinlanadi.
Keyinchalik, yuridik universitetining ko‘ngilli talabalari bu holatni tergov o‘tkazishga kirishadilar. Talabalar tergov jarayonida barcha guvohlarni so‘roq qilishadi. Dikson o‘sha vaqt jazo muddatining uchdan ikki qismini o‘tkazgan bo‘ladi.
Talabalar mudhish kechada Lamar Skott ismli kishi to‘pponchadan o‘q uzganligini aniqlashadi. U yigit esa boshqa jinoyat uchun qamoqda bo‘lgan. So‘roq paytida Skott 27-yil oldin o‘sha klubda yigitga o‘q uzganligini tan oladi. Talabalar tergov natijalarini huquq tartibot organlariga berishadi. Natijada Diksonni ozodlikka chiqarish haqida qaror qabul qilinadi.
Ozodlikka chiqqan Valentino so‘zlariga ko‘ra, uni nohaq ayblagan shaxslarni qidirishni rejalashtirmagan. U faqat oilasi va do‘stlari davrasida vaqt o‘tkazishni xohlamoqda. Shuningdek, rassomlik qobiliyatini ham rivojlantirish istagida. 27-yil ichida uning qizi turmushga chiqib, u ikkita nabirali bo‘lgan ekan.
