TOSHKENT, 8 avg - Sputnik. Oʻzbekistonlik artilleriyachilar Xalqaro armiya oʻyinlarining "Artilleriya ustasi-2018" tanlovida ikkinchi oʻrinni egallashdi.
Oʻzbekiston jamoasi Belarussiya bilan birgalikda ikkinchi oʻrinni, Rossiya va Ozarbayjon jamoalari uchinchi oʻrinni qoʻlga kiritishdi, deb xabar berdi Armiya oʻyinlari matbuot xizmati. Birinchi oʻringa Qozogʻiston artilleriyachilari sazovor boʻlishdi.
Qayd etilishicha, ilk bor finalda toʻrtta oʻrniga oltita jamoa qatnashdi.
Oʻzbekistonlik harbiy xizmatchilar 28 yoʻnalishda oʻtkazilayotgan Xalqaro armiya oʻyinlarining 12 tasida ishtirok etmoqda.
