TOSHKENT, 8 avg - Sputnik. Oʻzbekistonlik harbiylar AQShda 23 avgustga qadar boʻlib oʻtadigan "Sahro burguti- 2018" oʻquv mashgʻulotlarida qatnashishadi, deb xabar berdi RIA Novosti.
Oʻquv mashgʻulotlaridan maqsad BMT standartlari boʻyicha tinchlikni saqlash operatsiyalaridagi vazifalarni oʻzlashtirishdan iborat. Bu yilgi oʻquv mashgʻulotlari Janubiy Karolina shtatidagi MakKreydi poligonida oʻtkaziladi. Qatnashchilar boʻlinmalarni boshqarishni tashkil etish, shtab operatsiyalarini oʻtkazish, turli mamlakatlardagi hamkasblarining tajribalarini oʻrganish masalalari bilan shugʻullanishadi.
"Sahro burguti" mashgʻulotlari 2003 yildan buyon oʻtkazib kelinadi. Loyiha harbiy operatsiyalarni rejalashtirishda boshqaruv organlarining umumiy yondashuvini ishlab chiqish imkonini beradi. Bunda gap asosan BMT va NATO harakatlari toʻgʻrisida bormoqda.
AQShga Oʻzbekiston harbiylari bilan bir qatorda Tojikiston, Qozogʻiston, Buyuk Britaniya harbiylari ham kelishdi.
Avvalroq oʻzbekistonlik harbiylar Rossiyada yaqinda yakuniga yetgan ArMI-2018 xalqaro musobaqalarida uchinchi oʻrinni egallashgandi.
