TOShKENT, 1 avg - Sputnik. Penzadagi ArMI-2018 o‘yinlarida O‘zbekiston jamoasi reaktiv tizimlarni ta’mirlash bo‘yicha tanlovda uchinchi o‘rinni egalladi.
"Qurolsoz usta" tanlovida jamoalar oldiga “Grad” reaktiv tizimidagi ehtiyot qismlarni o‘rnatish, jangovar mashina g‘ildiragini almashtirish hamda undan o‘t ochish vazifasi qo‘yildi, deb xabar berdi Armiya o‘yinlari matbuot xizmati.
Tanlovning uch bosqichi natijalariga ko‘ra Rossiya jamoasi birinchi o‘rinda bormoqda. Qozog‘iston va O‘zbekiston jamoalari ikkinchi va uchinchi o‘rinlarni egallab turishibdi. Tanlov besh bosqichda o‘tkaziladi, unda olti mamlakat jamoasi ishtirok etmoqda. G‘olib 5-avgust kuni aniqlanadi.
