TOShKENT, 31-iyul - Sputnik. "O‘zbekiston havo yo‘llari" Milliy aviakompaniyasi 29 iyuldan "Haj-2018" dasturi doirasida parvozlarni amalga oshirishni boshladi.
Bu haqda aviakompaniya matbuot xizmati xabar berdi.
"Haj amalini ado etish niyatidagi o‘zbekistonlik ziyoratchilar shu yilning 13-avgustiga qadar qulay Boeing-767 samolyotlarida Saudiya Arabistonining Madina shahriga yetkazib qo‘yiladi", - deyiladi matbuot xizmati xabarida.
Dasturni amalga oshirish doirasida Toshkent, Namangan, Samarqand, Qarshi va Buxoro shaharlaridan 32ta reysda O‘zbekistondan 7200 nafar ziyoratchi olib boriladi.
Qaytish reyslari 27-avgustdan 14-sentabrgacha amalga oshirilishi rejalashtirilgan. Ziyoratchilar vatanga Jidda shahridan qaytishadi.
