TOShKENT, 15-iyul – Sputnik. Bugun, 15-iyul kuni tongda o‘zbekistonlik bokschi Shahram G‘iyosov o‘zining professional boksdagi uchinchi jangida meksikalik Daniel Echeverriyani mag‘lubiyatga uchratdi. Bu haqda O‘zbekiston Milliy olimpiya qo‘mitasi matbuot xizmati xabar berdi.
Jang 1-raundning o‘zidayoq yakuniga yetdi. Shahramning kuchli zarbasidan Daniel nokautga uchradi va jangni davom ettira olmadi.
Shu tariqa Shahram prof boksdagi o‘zining 3 g‘alabasiga erishdi.
Shuningdek, Fazliddin G‘oibnazarov amerikalik bokschi Kevin Jonsonga qarshi ringga ko‘tarildi va 78:74 hisobida g‘alaba qozondi.
Murodjon Ahmadaliyev o‘zining navbatdagi jangida argentinalik Luis Fernando Molinaga qarshi ringga chiqib, ochkolar hisobiga ko‘ra g‘alabani qo‘lga kiritdi.
G‘oibnazarovning professional ringdagi g‘alabalari soni 5 taga yetdi, Murodjon Ahmadaliyev uchinchi g‘alabasiga erishdi.
