TOShKENT, 28-iyun – Sputnik. 2018-yilning 1 choragida O‘zbekiston umumiy eksporti hajmi $2,9 mlrd.ni tashkil qilgan, import hajmi esa $3,6 mlrd, deb xabar qilmoqda kommersant.uz nashri Markaziy bank hisobotiga asosan.
O‘zbekiston eksportining aosiy qismini oltin tashkil qilgan – $ 1,3 mlrd., ikkinchi o‘rinda tabiiy gaz eksporti – $ 487 mln. Umumiy hisobda ushbu ikki mahsulot O‘zbekiston eksportining 61 %ini tashkil qilgan.
Eksport bo‘yicha O‘zbekistonning asosiy hamkorlari: Shveysariya – umumiy eksport hajmidan 49%, Xitoy – 15%, Rossiya — 13%, Qozog‘iston — 7%, Turkiya — 6%, Afg‘oniston — 4%.
O‘zbekistonga import qilingan mahsulotlar orasida eng katta mahsulotlar guruhi quyidagilarni tashkil qildi: neft va neft mahsulotlari—$186,5 mln., dori vositalari — $184,7 mln., avtomobillar uchun ehtiyot qismlar — $141,9 mln., shakar va saxaroza — $131,6 mln., metalloprokat — $120,4 mln., to‘qimachilik uskunalari— $91,7 mln.
Import bo‘yicha O‘zbekistonning asosiy hamkorlari esa Rossiya – 26 %, Xitoy — 23%, Qozog‘iston— 10%, Janubiy Koreya — 8%, Turkiya — 7%, Litva — 6%, Germaniya — 5%.
