TOShKENT, 15-may — Sputnik. Yaqin Sharqda tinchlik o‘rnatish bo‘yicha xalqaro "Kvartet" ishtirokchi-mamlakatlari mintaqada zo‘ravonlik va ziddiyatni keltirib chiqaradigan avj oldiradigan harakatlardan uzoq bo‘lishlari kerak, deb ta’kidladi RF prezidenti matbuot-kotibi Dmitriy Peskov.
Peskovning so‘zlariga ko‘ra, Moskvada avval boshdanoq Vashingtonning Yaqin Sharqda ziddiyatni yuzaga keltirishi mumkin bo‘lgan harakatlariga nisbatan tashvish bildirilgan.
"Afsuski, hammasi shunday bo‘ldi", — dedi Peskov.
AQSh prezidenti Donald Tramp o‘tgan yilning dekabr oyida Quddusni Isroil poytaxti deb tan olishini e’lon qildi. Isroil tashkil topganining 70-yilligiga tuhfa tarzida AQSh o‘z elchixonasini Tel-Avivdan Quddusga ko‘chirdi. Trampning bu qarori falastinliklar o‘rtasida tartibsizliklarni, qator arab davlatlarida esa noroziliklarni yuzaga keltirdi.
"Holat, ayniqsa, ko‘plab falastinlik halokati, juda chuqur tashvishlarni keltirmasligi mumkin emas. Biz voqealar rivojini diqqat bilan kuzatmoqdamiz, va avvalgidek, barcha mamlakatlar, ayniqsa, "kvartet" ishtirokchilari (Rossiya, AQSh, YeI va BMT, tahr.) bu kabi ziddiyatni avj oldiruvchi qandaydir hatti-harakatlardan uzoq bo‘lishlari kerak, deb hisoblaymiz", — deb ta’kidladi Peskov jurnalistlarga.
Isroillik askarlar va falastinliklar o‘rtasida ro‘y bergan qonli to‘qnashuvlar oqibatida, so‘nggi ma’lumotlarga ko‘ra 59 nafar falastinlik halok bo‘ldi, 2,7 ming nafardan ziyodi jarohatlandi. Falastinlik yetakchi Mahmud Abbos uch kunlik motam e’lon qildi. G‘azo sektoridagi holatni seshanba kuni BMT Xavfsizlik Kengashi muhokama qiladi.
Yaqin Sharqda tinchlik o‘rnatish bo‘yicha to‘rt tomonlama xalqaro "Kvartet" instituti 2001-yilning oxirida shakllantirilgan. Uning tashabbskorlari Rossiya va Yevropa Ittifoqi bo‘lgan.
