TOShKENT, 26 mar — Sputnik. Yevropa Ittifoqiga a’zo 28 mamlakatdan o‘n to‘rttasi "Skripal ishi" bo‘yicha Londonga xayrixohlik ramzi sifatida Rossiya Federatsiyasining diplomatlarini chiqarib yuborish qarorini qabul qildilar. Bu haqda dushanba kuni Yevropa kengashi rahbari Donald Tusk ma’lum qildi.
"Yevropa Ittifoqining 14ta mamlakati rossiyalik diplomatlarni chiqarib yuborishga qaror qildi", — deb ma’lum qilgan Tusk jurnalistlarga.
Tusk ushbu qarorni qabul qilgan davlatlar nomlarini va chiqarib yuboriladigan diplomatlar sonini aytmagan.
Eslatib o‘tamiz, Britaniyaning Solsberi shaharchasida 14-mart kuni britaniyalik shpion Sergey Skripal va uning qizi Yuliya zaharlangan edi. Britaniya tomoni Skripallarning zaharlanishida Rossiyaning qo‘li borligini ta’kidlamoqda, Rossiya esa buni qat’iy inkor qilib kelyapti.
