TOShKENT, 5 mar — Sputnik. Rossiya TIV rahbari Sergey Lavrov dushanba kuni janubiy Saxaradagi afrika mamlakatlari bo‘ylab turnega yo‘l oldi. Ishchi tashrif davomida vazir Angola, Namibiya, Mozambik, Zimbabve, Efiopiya davlatlarida bo‘ladi va bu mamlakatlarning oliy rahbariyatlari bilan uchrashib, xalqaro, kunning dolzarb va ikkiyoqlama hamkorlik masalalarini muhokama qiladi. RIA Novosti xabariga asosan.
KXDR atrofidagi vaziyat ayrim afrika davlatlariga bilvosita tegishli ekanligi qayd etilgan: xususan, Namibiyaning ikkita kompaniyasi Yaponiya tomonidan tuzilgan jismoniy va yuridik shaxslar ro‘yxatiga kiritilgan bo‘lib, ularga KXDRga nisbatan e’lon qilingan sanksiyalar ta’sir etishi aytilmoqda.
Mozambik esa ayrim G‘arb OAVlari tomonidan BMT XK tomonidan qo‘yilgan sanksiyalarga qaramay, KXDR bilan harbiy hamkorlikda gumon qilmoqda.
"Mening tashrifim… turli darajadagi aloqalarni rivojlantirish, savdo-iqtisodiy, ilmiy-texnikaviy, gumanitar va boshqa sohalarda hamkorlikda yangi yo‘nalishlarni izlashga yo‘naltirilgan. Saxara-Saxel regioni, Afrika shoxi mamlakatlari, Buyuk dengizlar mintaqasida terrorizmga qarshi kurash, inqirozlarni bartaraf etish singari keng turdagi global va regional masalalar yuzasidan fikr almashishdan iborat", — deb aytgan Lavrov "Hommes d"Afrique" jurnaliga bergan intervyusida.
