TOShKENT, 3 mar — Sputnik. Yaqin yillar ichida Afg‘onistondan Rossiya va Yevropaga ko‘knori olib o‘tish oqimi o‘sishi kutilmoqda. Bu haqda BMTning giyohvand moddalar ustidan nazorat qilish bo‘yicha xalqaro qo‘mitasi a’zosi Galina Korchagina ma’lum qildi, deb xabar berdi RIA Novosti.
Uning so‘zlariga ko‘ra, Afg‘oniston doimiy ravishda qo‘mita nazorati ostida turuvchi davlat hisoblanadi.
"Afsuski, xalqaro hamjamiyatning sa’y-harakatlariga qaramasdan, giyohvand moddalar nazorati borasida vaziyat yomonlashmoqda, ko‘knori yetishtirish va hosil olish oshmoqda", — dedi u.
Kelgusi yillarda Afg‘onistondan ikkita yo‘l Sharqiy, G‘arbiy va Janubiy Yevropaga bolqon yo‘li hamda Rossiyaga shimoliy yo‘l orqali ko‘knori olib o‘tish oqimi kuchayishi kutilmoqda, deb qo‘shib qo‘ydi Korchagina.
Avvalroq Rossiya TIV rasmiy vakili Mariya Zaxarova 2017-yilda Afg‘onistonda ko‘knori ekiladigan maydonlar 60%dan ortiqroqqa oshgani va 328 ming gektarni tashkil etishini ma’lum qilgandi.
